Forræðishyggja Sjálfstæðisflokksins

Framtíð flugvallarins í Vatnsmýrinni í Reykjavík er búin að vera í umræðunni hér á landi í mörg ár, ein fréttastofan dró meira að segja fram nokkurra áratuga gein um daginn þar sem var verið að fjalla um framtíð flugvallarins í Vatnsmýrinni.

Við á landsbyggðinni viljum flest öll hafa völlinn en höfum ekki verið spurð að því og fengum ekki að vera með í kosningunum um flugvöllinn á sínum tíma er Reykvíkingar kusu um völlinn.

Nú er þetta farið að hafa áhrif á samkeppni innanlands. En Iceland Express hefur sótt um lóð við Reykjavíkurflugvöll til að koma á samkeppni. Nú skildi maður ætla að borgarfulltrúar Sjálfstæðisflokksins myndi fagna því að koma á frjálsri samkeppni en forræðishyggja þessa gamla flokks kemur nú en of aftur í ljós og þeir vilja ekki heimila Iceland Express að byggja vegna óvissu um framtíð vallarins í Vatnsmýrinni.

Ég bara spyr, ættu ekki  borgarstjórnarfulltrúar Sjálfstæðisflokksins ef þeir vilja standa undir nafni  flokksins um frelsið að leyfa Iceland Express að byggja og koma á samkeppni. Iceland Express  er einkafyrirtæki sem tekur þá bara þá áhættu að völlurinn verði fluttur og þeir ganga þá að því.

Vonandi fer fólkið í landinu að sjá hvernig Sjálfstæðisflokkurinn er flokkur forræðishyggju, ekki bara í þessu máli heldur í svo mörgum málum.

Athugasemdir

[Arndís Baldursdóttir, 13.3.2008 kl. 08:54]

Blessaður Gylfi,  já þetta flugvallarmál......... er ekki meirihluti þeirra sem nota innanlandsflugið landsbyggðarfólkið? Ég held það.  Margir Reykvíkingar fara sjaldan úr borginni og hafa því ekki mikið vit á hversu nauðsynlegt þetta er fyrir t.d. sjúkraflutninga, viðskiptalífið, og margt annað.

Þessi blessaða tík, pólitík er oft að leika okkur mannfólkið grátt, skemmir oft fyrir í svona mikilvægum hlutum eins og samgöngur eru.  Ég vil að Iceland Express fái aðstöðu á Reykjavíkurflugvelli.

[Ásthildur Cesil Þórðardóttir, 13.3.2008 kl. 13:10]

Reykvíkingar verða að sætta sig við að meðan borgin er höfuðborg landsins, gegnir hún skyldum gagnvart öllu landinu, það gleymist oft í umræðunni.  'Eg er svo sem sátt við að flugvöllurinn fari til Keflavíkur, ef allar opinberar stofnanir og umsýslan fer þangað líka.  Þá hefur maður ekkert til Reykjavíkur að gera lengur.

[Heiðrún Björk Jóhannsdóttir, 14.3.2008 kl. 01:29]

Þú hefur lög að mæla Ásthildur og tek ég undir þetta með þér heilshugar.