Svona er mín ,,Þingvallastjórn

 

Jæja þá eru hafnar fyrir alvöru viðræður Samfylkingar og Sjálfstæðisflokks. Kalt mat mitt er það að þetta er eina stjórnarmynstrið sem Samfylkingin getur farið í vegna niðurstöðu kosninganna. Þ.e. fyrst að kaffibandalagið náði ekki meirihluta. En með þessu ríkisstjórnarmunstri er hugmyndin um hinn stóra jafnaðarmannaflokk settur í stór hættu.

Stjórnarmynstur jafnaðarmanna og Sjálfstæðismanna er nú það stjórnarmynstur sem hefur reynst farsælt fyrir þjóðina í gegnum tíðina. Nú verða jafnaðarmenn (í mínum huga eru konur líka menn). Að halda vel á spilunum ef þeir ætla í ríkisstjórn með Sjálfstæðisflokknum. Jafnaðarmenn eru nú með tæp 30% atkvæða og hafa mun sterkari stöðu en þeir hafa haft nokkurn tímann í myndun ríkisstjórnar.

Hina nýja ríkisstjórn þarf að sitja velferðarmálin í öndvegi eins og Samfylkingin lofaði í kosningunum. Slá á frekari virkjanaáform og síðast en ekki síst verður að taka Evrópumálin á dagskrá.

Allt bendir til að þessar stjórnarmyndunarviðræður munu ganga upp. Gleðin skín úr augum þingmanna Samfylkingarinnar yfir því að Geir hafi farið með Samfylkinguna heim af ballinu, í þeirri trú að hún geri sama gagn og Framsóknar maddaman.

Það er gaman að leika sér að stilla upp komandi ríkisstjórn eina og vinsælt er hér á blogginu. Ég læt hér flakka mínar tillögur það er eins og skipting ráðuneytanna er nú. En líklegt er að sett verði í sáttmálann að ráðuneyti verði sameinuð á miðju kjörtímabilinu.

Það getur orðið erfitt fyrir formenn flokkanna að skipa í ráðherrastóla. Hjá Samfylkingunni verður klárlega jöfn kynjaskipting og margir eru kallaðir í Sjálfstæðisflokknum. Það mun koma niður á t.d. Gunnari Svavarssyni, fyrsta manni Samfylkingarinnar í Suð- vesturkjördæmi.

Hér læt ég flakka mínar tillögur að ríkisstjórn.

 

Forsætisráðuneyti         Geir H. Haarde D

Utanríkisráðuneyti         Ingibjörg Sólrún Gísladóttir S

Fjármálaráðuneyti         Þorgerður Katrín Gunnarsdóttir D

Menntamálaráðuneyti                Ágúst Ólafur Ágústsson S

Dóms- og kirkjumálaráðuneyti  Björn Bjarnason D

Heilbrigðis- og tryggingamálaráðuneyti   Jóhanna Sigurðardóttir S

Félagsmálaráðuneyti                  Össur Skarphéðinsson S

Viðskipta- og iðnaðarráðherra  Guðlaugur Þór Þórðarson D

Samgönguráðherra                    Kristján Möller  S

Sjávarútvegsráðherra                Einar K Guðfinnsson  D

Landbúnaðarráðuneyti  Árni M. Mathiessen D

Umhverfisráðuneyti                   Steinunn Valdís Óskarsdóttir,  S, (Gunnar Svavars, fellur á kvóta)

 

Forseti Alþingis Sturla Böðvarsson D

Formaður fjárlaganefndar          Björgvin G. Sigurðsson S

 

Formaður þingflokks Samfylkingarinnar Gunnar Svavarsson S

Formaður þingflokks Sjálfstæðisflokksins Kristján Þór Júlíusson D

 

Athugasemdir

[Hjörtur J. Guðmundsson, 20.5.2007 kl. 23:20]

Sturla Þórðarson? Er hann nú kominn aftan úr öldum ;) Sturna Böðvarsson væntanlega :)

[Hilmar Björgvinsson (IP-tala skráð) 21.5.2007 kl. 22:24]

Sæll Gylfi!

Ég var að koma frá Frakklandi þar sem maður fékk óljósar fréttir af stjórnarmyndurnarviðræðum.

Ég ætlaði bara að óska ykkur Samfylkingarfólki til hamingju með ykkar óskastjórn. Það er um að gera að viðhalda áframhaldandi stjórnarsetu íhaldsins. Gamli Alþýðuflokkurinn sá til þess að koma íhaldinu til áhrifa 1991 og sama fólkið ætlar að sjá til þess að halda íhaldinu við stjórn landsins.

Samfylkingin hafnar vinstri stjórn með VG og Framsókn. Segir allt sem segja þarf.

Kveðja,

Hilmar