Island.is

 

Hér er meðfyljandi auglýsing fyrir ríkisstjórnina. En Geir H. Haarde var að reyna að útskýra að ríkistjórnin væri að vinna að vanda þjóðarinnar og minntist á síðuna , en þar væri hægt að nálgast upplýsingar um það sem rikisstjórnin er að vinna að. Af hverju er ríkisstjórnin ekki búinn að setja link um síðuna í alla fjölmiðla landsins, bæði net- og prent miðla. En Geir talaði einnig í Kastljósinu að það kæmi til greina að einhverjir verði látnir sæta ábyrgð. En það er ekki nóg, ríkisstjórnin átti strax í október að láta Fjármálaeftirlitið, Seðlabanka og ráðherra fjármála og bankamála sæta ábyrgð. Ef ríkisstjórnin hefði gert þetta væri ekki svona komið fyrir ríkisstjórnarflokkunum

 

 

Hættið þessu stjórnar samstarfi strax

Hvað er að þessum mönnum sem sitja á hinu háa Alþingi. Mótmælin munu ekki hætta fyrr en boðað verður til kosninga. Öll þjóðin vill kosningar.  Á meðan þarf að koma á minnihlutastjórn Samfylkingar og VG varinni vantrausti af Framsókn.

Það þarf að koma Sjálfstæðiflokknum burt úr ríkisstjórn. Þessi flokkur er ekki starfhæfur. Það er ekki hægt að bíða eftir Landsfundi Sjálfstæðisflokksins. Samfylkingin verður að ríða á vaðið. Ég bind vonir við fund Samfylkingarinnar sem haldinn verður í kvöld, að þar verði tekið á skarið og stjórnarsamstarfinu verði slitið, líkt og gerðist 1979 er ákveðið var að slíta þáverandi ríkisstjórn á félagsfundi Alþýðuflokksfélags í Reyjavík.

Til hamingju Framsóknarmenn

Það er ekki hægt annað en að óska Framsóknarmönnum til hamingju með flokksþingið. Ekki hef ég séð ferskari vinda blása um Framsókn síðan ég fór að fylgjast með stjórnmálum fyrir þrjátíu árum. Ekki átti ég von á því að úrslitin yrðu þessi. Það kom mér á óvart hvað Páll Magnússon fékk lélega kosningu. Ég bjóst við að kosið yrði á milli Páls og Höskuldar í seinni umferð, en það varð öðru nær.

Einnig kom það mér á óvar að vinkona mín hún Siv Friðleifsdóttir skyldi ekki ná kjöri sem varaformaður. Það er greinilega alvara í framsóknarmönnum að gera breytingar á flokknum.

Það verður forvitnilegt að fylgjast með landsfundi Sjálfstæðisflokksins, hvort sjálfstæðismenn ætli sér að hylla núverandi forystu og kjósa til áfram haldandi setu.

En það þarf nú meira til að ég fari að treysta Framsókn.

 

Nexium eða eplaedik og spara ríkissj. 3.431.000

Fyrir 6 árum fór ég í ristil og vélindaspeglun og niðurstaða þeirrar speglunar var að ég væri með vélindabólgur og að ég þyrfti að taka inn Nexium vegna þessa. Er ég spurði meltingarsérfræðinginn hversu lengi ég þyrfti að taka Nexium, þá var svarið um ókomna tíð.

Þar með stóð ég frammi fyrir því að að þurfa jafnvel að vera á Nexium það sem eftir væri.

Ég fékk lyfseðil upp á 100 töflur af Nexium og að ég ætti að taka eina töflu daglega.

Þegar ég var búinn að taka umræddar töflur í tæp tvö ár var mér litið á upplýsingablaðið sem fylgdi lyfjunum um allar mögulega aukaverkanir lyfsins. Þá ákvað ég að hætta að taka inn Nexium, en ég er einnig mjög mikið á mót því að vera að taka inn mikið af lyfjum.

Tveimur mánuðum eftir að ég hætti að taka inn lyfin fór ég að finna sterklega fyrir verkjum vegna vélindabólgunnar.

Þá hringdi ég í Hallgrím Magnússon lækni og sagði honum sjúkrasögu mína og spurði hann hvort að hann hefði einhver ráð fyrir mig og hvort hann gæti læknað mig af vélindabólgunum.

Hallgrímur svaraði því til að hann hefði ráð við því.

Hann sagði, taktu eina ferska sítrónu og kreistu hana drekktu safann úr henni í glasi fylltu upp með volgu vatni, ekki heitu og ekki köldu. Gerðu þetta á hverju morgni áður en þú færð þér morgunmat.

Því næst skaltu fá þér eitt glas af eplaediki korteri fyrir hádegis og kvöldmat. Þ.e. settu smá ,,slurk" af eplaediki í glas og fylltu það upp með vatni, ekki heitu og ekki köldu heldur volgu.

Hann sagði mér að gera þetta í 10 daga til hálfan mánuð og þá yrði ég góður.

Ég spurði, hvort hann ætti við að ég myndi læknast með þessu á 10 til 14 dögum. Nei sagði Hallgrímur, þú munt hætta að finna fyrir einkennum. Haltu áfram í nokkra mánuði þar á eftir og þá verður þú góður.

Þetta gerði ég og það stóðst ég hætti að finna fyrir einkennum og ég hélt áfram í rúmt ár að drekka sítrónu og eplaedik á hverjum degi. Sleppti ekki úr degi, nema með örfáum undartekningum. Síðan hef ég reyndar haldið þessu áfram með smá hléum, því ég finn að þetta hefur góð áhrif á skrokkinn.

En svo fór ég aftur í speglun í vor sem leið, en okkur systkinunum er ráðlagt að fara í speglun á fimm ára fresti vegna þess að foreldrar okkar létust bæði úr ristilkrabba.

En hvað um það, ég bað meltingarlækninn um að spegla á mér vélindað í leiðinni og skoða vel.

Niðurstaða meltingalækninsins var sú að vélindað væri fínt og það væri ekkert að því núna.

Með þessu er ég búinn að spara ríkissjóði fleiri milljónir. Þ.e. ef ég hefði tekið inn Nexium það sem eftir væri.

Tökum dæmi ef ég verð áttræður og tæki inn Nexium það sem eftir væri frá fertugu, en ég var fertugur er ég fór í fyrri speglunina:

Nexium taflan kostar      284,5 kr. stykkið, ríkið borgar 235 kr hlutur sjúklings er 49,5 kr.

40 ár x 365 dagar =14.600 dagar og ein tafla á dag

14.600 x 235kr. = 3.431.000 kr.,

Sem sagt ég spara ríkissjóði 3.431.000 kr. á núvirði

Ég hef mikið hugsað út í það hvort það séu ekki fleiri sem gætu notfært sér þetta og sparað ríkinu fleiri milljónir, en það er víst margir á Nexium. Eflaust ekki allir vegna vélindabólgu, en ég skora á þann sem er með vélindabólgur að fara sítrónu og eplaediks leiðina.

Sjálf síns vegna og þjóðarbúsins.

 

Frí kynninga áskrift á Skjánum var ekki frí

Við fengum okkur ADSL tengingu fyrir sjónvarpið í nóvember s.l. Það er nú svo sem ekki í frásögu færandi, nema að þegar verið var að bjóða okkur tenginguna kom fram hjá starfsmanni Símanns að samhliða tengingunni var í boði frí áskrift í einn mánuð að 9 rásum í sjónvarpi.

Þegar kom að tengingunni ákváðum við að bíða með að fá rásirnar. En ákváðum 20 desember s.l., að fá tengingu og ég hringdi í 8007000 og ræddi þar við starfsmann Símanns um þetta tilboð að ég ætti rétt á ókeypis kynninga áskrift að 9 sjónvarpsrásum. Júju starfsmaðurinn kannaðist við það og sagði að ég gæti eftir tvær klukkustundir séð 9 sjónvarpsrásir sem yrði frítt til 20. janúar en þá yrði ég að hringja inn aftur og afþakka framhalds áskrift ef ég hefði ekki áhuga á að hafa rásirnar áfram. Það gekk eftir að eftir tvær klst. gat ég séð umræddar rásir

Síðan gerðist það að 14. janúar s.l. að við fengum sendan gíróseðil frá Skjánum upp á kr. 3.565 fyrir áskrift á umræddum rásum, með útgáfudegi 31.12.08. Ég hringdi strax í 8007000 og kvartaði yfir því að hafa verið að fá sendan reikning fyrir ,,kynningar áskriftinni". Ég sagði starfsmanninum að ég ætlaði ekki að halda áskriftinni áfram eftir 20. janúar og að ég hafi átt að fá þennan fyrsta mánuð ókeypis.

Stúlkan sem svaraði var hin kurteisasta og sagðist kippa því í lag að áskriftinni yrði ekki framlengt eftir 20. janúar og að greiðsluseðillinn yrði kredit færður.

Útskýringarnar sem hún gaf á þessu var einhvern vegin á þá leið að ekki hafi verið hægt að ýta á takan um fría áskrift er ég skráði mig með kynninga áskrift. Ekki nóg með það heldur tóku þeir strax af mér rásirnar, eða þann 15. janúar en ekki 20. eins og var rætt um í fyrstu.

Gaman væri að heyra hvort fleiri hafi lent í svipaðri reynslu.

XB = ESB, snilld

  

 Landsfundur Framsóknarflokksins samþykkti að sækja um ESB-aðild með skilyrðum, þar með getur Framsókn gengið inn í Samfylkinguna. Því Samfylkingin mun einnig setja ákveðin skilyrði fyrir inngöngu Íslands í ESB. 

Framsónarflokkur hefur viljað láta líta út að þeir séu eini flokkurinn sem setji skilyrði fyrir inngöngu. Samfylkingin mun einnig vilja tryggja það að við höldum yfirráðum yfir auðlyndum okkar.

Annars var aumt að hlusta á brot úr ræðu Valgerðar Sverrisdóttir á landsfundinum. Hún talaði eins og að Framsókn bæri ekki ábyrgð á bankahruninu. Hverjir áttu bankamálaráðherra lengst af síðustu 12 árin, ef ekki Framsókn.

Framsóknarflokkurinn og Sjálfstæðisflokkurinn eru þeir flokkar sem bera mestu ábyrgð á því hve illa er komið fyrir okkur. En það afsakar ekki ráðaleysi Samfylkingarinnar núna.

Framsóknarflokkur og Sjálfstæðisflokkur áttu að setja á strangt eftirlit með bönkunum sem þeir gerðu ekki, í stað þess höfðu þeir fjármálaeftirlitið í svelti.

Það verður forvitnilegt að fylgjast með framhaldinu á þinginu, hver verður kosinn formaður og hvað verður um harða Framsóknarmenn sem eru algjörlega á móti inngöngu í ESB.

Mikill er viðsnúningur Framsóknar, sem rak rýting í bakið á Alþýðuflokknum fyrir kosningarnar 1987 er Alþýðuflokkurinn barðist fyrir inngöngu í EES undir slagorðinu XB ekki EB

Skammastu þín Bjarni Ármanns

Bjarni greiddi til baka 370 milljónir, af öllum þeim milljörðum sem hann er búinn að hagnast á er hann stýrði Glitnisbanka. Ég get ekki tekið ofan fyrir Bjarna vegna þessa. Ef við værum að tala um 3,7 milljarða það væri nærri.

Það var gaman að fylgjast með Sigmari í Kastljósinu yfirheyra Bjarna, það vantaði bara að Sigmar stoppaði Bjarna af er Bjarni talaði um ábyrgð sína sem stjórnandi. Rétt hefði verið að minna Bjarna Ármanns á að ábyrgð hans og hans kollega var engin.

Bankarnir fóru á hausinn og kollegar hans réttu ríkinu lykilinn og landsmenn verða að borga sukkið þeirra.

Skammastu þín Bjarni.

Endurgreiddi 370 milljónir

Samfylkingin er öðruvísi stjórnmálaflokkur !

Fyrir síðustu alþingiskosningar fór ég í það ásamt fleirum að hringja í kjósendur og skora á þá að kjósa Samfylkinguna.

Margir sem ég ræddi við sögðu m.a. að það væri sama hvaða flokk það kysi að allir flokkarnir væru eins, að þeir hugsuðu allir um sjálfan sig og það væri ekkert að marka hvað flokkar segðu fyrir kosningar að þeir svikju allt eftir kosningar.

Ég reyndi að sannfæra kjósendur sem ég ræddi við að Samfylkingin væri öðruvísi flokkur og máli mínu stuðnings benti í fólki m.a. á að Ingibjörg Sólrún væri formaður flokksins og að hún myndi taka öðruvísi á málum og ekki haga sér eins og þingmenn hefðu gert hingað til.

Ég taldi Ingibjörgu Sólrúnu ver það ábyrgan stjórnmálamann að hún myndi leiða yfir þjóðina öðruvísi stjórnmál.

 En nú eftir bankahrunið er það miður komið í ljós að Samfylkingin er ekkert öðruvísi stjórnmálaflokkur.

Hvað átti Ingibjörg að gera?

Hún átti að kalla Björgvin á fund til sín eftir bankahrunið og láta hann segja af sér, þar hefði hún sýnt að Samfylkingin væri öðruvísi flokkur og þar sem Samfylkingin er með viðskiptaráðuneytið átti hún að láta forstjóra og stjórn Fjármálaeftirlitsins víkja.

Því næst átti hún að gera Geir Haarde það ljóst ótvírætt að Samfylkingin vildi að bankastjórar Seðlabankans og stjórn hans yrðu látinivíkja og það yrði skipaður aðeins einn bankastjóri í Seðlabankanum.

Ingibjörg þurfti þá láta það koma skýrt fram í fjölmiðlum að Samfylkingin styddi ekki bankastjórana. En eitthvað hefur nú komið fram í fjölmiðlum að svo sé, en ekki nógu skýrt.

En því miður hefur Samfylkingin ekki staðið sig í þessum málum. Á meðan ekkert af þessu er gert mun þjóðin tortryggja allt það sem kemur fram frá þessari ríkisstjórn.

Ingibjörg hefur nú síðustu daga látið í það liggja að hún muni gera skiptinagar í ríkisstjórninni en ekkert víst hvort það verði Björgvin G. eða einhverjir aðrir. Það er ekki nógu sannfærandi fyrir Samfylkinguna.

Samfylkingin er ekkert öðruvísi stjórnmálaflokkur, ég bið þá kjósendur sem ég ræddi við afsökunar á því að ég skyldi hafa rangt fyrir mér í samtölum við þá. 

Lúðvík Bergvinsson hissa á tortryggni þjóðarinnar.

Það var ótrúlegt að hlusta á Kastljósið í gærkvöldi þar mættust Lúðvík Bergvinsson, þingflokksformaður Samfylkingarinnar og Atli Gíslason, þingmaður VG.

Þar var aðallega rætt um takmarkaða vitneskju Björgvins G. Sigurðssonar við endurskoðun gamla Glitnis.

Lúðvík tönglaðist sífellt á að tortryggni tröllriði öllu í samfélaginu í dag og hann virtist vera alveg steinhissa á því hvers vegna.

Einnig talaði Lúðvík mikið um að það væri eðlilegt að ráðherra gerði mistök og það eigi eflaust eftir að koma í ljós fjöldi mistaka. Ég get tekið undir með Lúðvík að það er eðlilegt að gera mistök, öll eru við að gera mistök. En í eins stórum mistökum eins og gerð voru við hrun bankana er eðlilegt að mönnum verði gert að sæta ábyrgð og segja af sér.

Tortryggni mun grassera í samfélaginu á meðan að enginn segir af sér í ljósi hruns bankana í byrjun október.

Ég tortryggi ef að KPMG verði látið rannsaka gamla Glitni.

Þar sem tengsl KPMG eru of mikil við bankann.

Ég tortryggi niðurstöðu Fjármálaeftirlitsins á hlutabréfakaupum Birnu bankastjóra Glitnis. Þar sem að þar stýra sömu menn og áttu að hafa eftirlit með bönkunum fyrir hrun þeirra.

Ég mun tortryggja allt það sem á eftir að koma fram hjá Seðlabankanum, því þar sitja sömu menn við stjórn og var fyrir hrun bankanna.

Sama má segja um hvað það sem á eftir að koma frá ráðherrum viðskipta og fjármála, ég mun tortryggja allt sem á eftir að koma frá þeim.

Tortryggni í samfélaginu mun ríkja á meðan að ríkisstjórnarflokkarnir láta enga sæta ábyrgð.

Það er raunar synd að allur fókus í þjóðfélaginu fer í að skora á ráðamenn að sæta ábyrgð á meðan eru útrásarvíkingarnir látnir í friði. En í raun ætti allur kraftur að fara í það að koma höndum yfir það sem útrásarvíkingarnir hafa sölsað undir sig og láta þá greiða fyrir þann skaða sem þeir hafa komið þjóðina í.

Björgvin vissi ekki um KPMG fyrr en í gær

Enn af efnahagsmálum

Ekkert lát er á umræðunni um efnahagsástandi þjóðarinnar í fjölmiðlum. Enda kemur lítið rótækt frá ríkisstjórninni. Ennþá eru bankastjórn seðlabankans við völd og í fjármálaeftirlitinu. Enginn ráðherra hefur sagt af sér.

Það var virkilega aumt að horfa á Jónas Fr. Jónsson í Kastljósinu. Maðurinn hefur ekki einu sinni dug í sér að segja af sér.

Fundurinn í Háskólabíó var virkilega góður, þar voru virkilega góðir ræðumenn á ferð. En lágt var risið á ráðherrunum, sá sem stóð sig best var menntamálaráðherra, hún svaraði fundamönnum af kurteisi en það er ekki hægt að segja um suma af ráðherrunum sem sátu fyrir svörum.

Ég er viss um að upp úr öllum þessum fundum sem er verið að halda eiga eftir að rísa stjórnmálaflokkur eða flokkar. Ég hef þá áhyggjur af stöðu landsbyggðarinnar í þeim flokkum, því allir þessir fundir eru haldnir á Reykjavíkursvæðinu að undanskyldum fundunum sem haldnir eru á Akureyri á laugardögum.

Hvar er landsbyggðin? Ég er hálf hissa að ekki skuli vera búið að boða til fundar á Vestfjörðum, ef ég væri ekki í þessari, þ.e. lögreglumaður væri ég búinn að blása til fundar, allavega klæjar mig í lófana að boða til fundar á Ísafirði um stöðu mála. Aldrei að vita að ég reyni að hóa saman vestfirðingum í friðsaman fund.

Það væri nú við hæfi að haldnir væru friðsælir fundir um allt land í öllum þéttbýliskjörnum á fullveldisdaginn 1. desember n.k. líkt og stendur til að gera í Reykjavík.