Sambandslaus Framsókn

Nýjasta útspil Framsóknarflokksins er með ólíkindum að ætla sér að flytja heila stofnun Fiskistofu frá Hafnarfirði til Akureyrar. Hverju á að bjarga með því. Á að bjarga Flateyri eða Raufarhöfn. Þetta er einhver skyndilausn til að efla hina svo kölluðu landsbyggð.

Eins og Þórólfur Bjarnason, formaður stjórnar Byggðastofnunar kom inn á í þættinum á Sprengisandi s.l. sunnudagsmorgun að það ætti ekki að tala um landsbyggð, heldur landsbyggðirnar. Því að þær eru margskonar eins og Þórólfur lýsti svo vel í umræddum þætti.

Hinn svo kallaði landsbyggðarflokkur Framsóknarflokkurinn er ekki betur tengdur við landsbyggðirnar en þetta að halda að þetta að flytja heila stofnun milli landshluta bjargi málunum.

Í gegnum árin hafa orðið til tugir starfa á vegum hins opinbera á höfuðborgarsvæðinu, stjórnvöld hefur verið það í lófa lagið að setja á fót hin ýmsu útibú í gegnum árin en það hefur ekki verið gert.

Af hverju má til dæmis ekki leyfa opinberum starfsmönnum á höfuðborgarsvæðinu flytja með sér störf sem þeir starfa við út á land ef þeir kjósa að flytja út á land. Það eru dæmi um slíkt að fólk flytji með sér opinber störf til Reykjavíkur.


Á snakki við Jesú krist!

Ég er nú búinn að vera latur að blogga þetta árið. Hef ekki bloggað frá því að ég birti hér jólabókina frá Veturliða syni mínu sem er 11 ára, frumsamda bók um ástandið í þjóðfélaginu í kringum búsáhaldabyltinguna. En þegar við vorum að undirbúa Veturliða minn fyrir skólann í haust fundum við foreldrarnir þessa ritgerð eftir strákinn í kristfræði frá því í fyrra. Ég læt hana flakka hér.

Ritunarverkefni í kristinfræði.

Einu sinni var ég að hjóla úti í bæ þegar að Jesús birtist allt í einu standandi ofan á skýi og hann sagði ,,Ég er ljós heimsins, hver sem fylgir mér mun ekki ganga í myrkri heldur hafa ljós lífsins" þá sagði ég ,,Jesús hvað ert þú að gera hér? Ertu ekki alltof upptekin í himnaríki" Jesús svaraði,,Ég er komin til jarðarinnar til að tryggja frið á jörð og að allir séu vinir" ég sagði þá ,,Og hvernig ætlarðu að far að því?"  Jesús sagði þá ,,Ég mun fá alla hermennina til að hætta að berjast og svo mun ég tryggja frið á jörð" Ég sagði þá ,,En hvernig væri að laga efnahagsástandið í leiðinni?" Jesús sagði ,,Ég hafði nú ekki hugsað út í það en ég skal athuga málið." Þá sagði ég ,,Frábært! En ég er reyndar líka með smá vandamál sem mætti laga ,,gætirðu nokkuð verndað mig fyrir öllum martröðunum?"  ,,Já það má svo sem skoða það" sagði Jesús þá. Þá sagði ég ,,Jæja ég ætla ekki að halda þér á snakki mikið lengur".


Bankahrunssaga, kreppu!. Jólabókin í ár

Ég fékk eina bók í jólagjöf, bókin heitir Bankahrunssaga kreppu !. Það er bók frá 11 ára syni mínum honum Veturliða Snæ, samin af honum sjálfum. Bókin er 20 síður og myndskreytt. Ég læt texta bókarinnar fljóta hér en það vantar myndirnar sem segja enn fleiri orð um ástandið í þjóðfélaginu á árinu sem er að líða, séð frá sjónarhorni 11 ára stráks.

Bankahrunssaga, kreppu!

Þetta byrjaði allt á því að hinir illu riddarar (ríkið, innsk. höf.) hertóku Glitnisvirki. Þeir lutu stjórnar Steingríms J. Súrkalssonar og Ingibjargar Fólrúnar Písladóttur.

Eftir að þeir höfðu hertekið virkið fóru þau að funda í Alvirki (Alþingishúsinu, innskot höf.) með greifanum illa Geirs H. Harðhárs en svo allt í einu......komu útrásarvíkingarnir og fremstur í flokki þar var Jón Ásgeir, þeir rændu, þeir rupluðu öllu.

Ísland var farið á hausinn.

Fólkið gerði uppreisn vegna peningaleysis.

Bogaskyttur vörðu Alvirki (Alþingishúsið, innsk. Höf). Bogaskytturnar sögðu við lýðinn sem stóð fyrir utan Alvirki, "þegið, þau eru að reyna að hugsa. (Á myndum í bókinni sést fólkið standa fyrir utan Alvirki og hrópa niður með harðstjórnina, lægri skatta og frelsi, innskot GÞG)

En andstætt við það sem bogaskytturnar sögðu voru þau ekki að hugsa. (Á myndum í bókinni voru mennirnir í Alvirki að drekka áfengi, sofa og spila myllu, innskot GÞG).

Síðan var riddarareglan Borgarabandalagið stofnað (Borgarahreyfingin, innsk. höf.) og þá tóku við fundir - fundir - fundir og fleiri fundir.

Síðan réðst Borgarabandalagið inn í fundarsalinn.

Eftir að þau höfðu sigrað Borgarabandalagið upphófst loka orustan um Alvirki (Strangt til tekið kosningarnar, innsk. höfundar)

Upp úr rústum vígvallarins risu Ingibjörg Fólrún og Steingrímur J Súrkáls og saman stofnuðu þau nýja ríkisstjórn.

Þau fengu hugrakkan riddara Jóhönnu Sigurðardóttur að nafni til að frelsa krónuna úr klóm hins illa Dabba dóms (Davíðs Oddssonar, innsk höfundar)

Hún fór til virkis Dabba dóms, steypti honum niður í ólgandi hraun og frelsaði krónuna og þjóðin var ánægð með að kreppan væri horfin að hún hrópaði..... HÚRRA!

Og þannig lýkur Bankahrunssögunni Kreppu!

ENDIR

Höfundur: Veturliði Snær Gylfason

Takk fyrir lesturinn


Af Davíð, Katrínu og Alþingi

 

Jæja ég hef ekki bloggað á þriðja mánuð, en hef ekki hugsað mér að hætta því. Frá því að ég bloggaði síðast er ýmislegt búið að ganga á í þjóðfélaginu. Ekki hef ég verið sáttur við það allt sem gengið hefur á, en sleppt því að blogga um það.

Fyrst skal nefna að búið er að gera Davíð Oddsson að ritstjóra Morgunblaðsins. Við þann gjörning var ætlun mín að segja upp Morgunblaðinu. Ég þarf að bíða með það þar sem ég er búinn að fá mér hvolp og þarf að nota Maggan til að láta hvolpinn gera stykkin sín á hann á meðan hann er að læra að gera þau út, þar sem Fréttablaðinu er ekki dreift í hús hér vestur á Ísafirði. Þegar því er lokið mun ég segja upp Mogganum.

Ég geri mér grein fyrir því að Mogginn á mbl.is og ekki hef ég hugsað mér að hætta hjá mbl.is. Það eru það margir félagshyggjumenn farnir af mbl.is að það þarf rödd okkar á mbl.is.

Annað sem ég vil nefna sem gerst hefur, er að Katrín Jakobsdóttir ráðherra menningarmála réði Þjóðleikhússtjóra um daginn. Ég mjög ánægður að hún skyldi hafa ráðið Tinnu Gunnlaugsdóttir áfram sem Þjóðleikhússtjóra. Hún lét ekki flokksskírteini ráða ákvörðun sinni, margir af þeim umsækjendum voru mjög hæfir en það hefði litið illa út ef hún hefði sparkað Tinnu, mér sýnist Tinna hafi staðið sig ágætlega.

Það á að taka ofan fyrir Katrínu fyrir þessa ráðningu Þjóðleikhússtjóra. Ýmsir ráðherrar hefðu notað tækifæri til að koma að ,,sínum manni" í stólinn og notað ýmsar skýringar til þess. En Katrín ráðherra menningarmála gerði það ekki. Ég vona að kjósendur hafi það í huga næst þegar gengið verður til kosninga.

Icesavemálið er búið að skekja ríkisstjórnarheimilið undan farnar vikur, fjölmiðlar hafa verið að spá stjórnarslitum vegna þess máls. Ég ætla rétt að vona að Vinstri grænir láti ekki afvega leiða sig og haldi stillingu sinni og sigli þessu máli í höfn. Ég treysti engum betur í því máli en Steingrími Jóhanni og Jóhönnu af sitjandi forystumönnum flokkanna á þingi.

Núna síðustu daga eru málefni innflytjenda búin að vera áberandi. Ég tel það ver mjög brýnt að við segjum okkur úr Shengen og förum Bresku leiðina. Með því erum við búin að leysa stóran vanda. Það var einn flokkur sem þorði að ræða um innflytjenda mál í kosningunum 2007 og tók þau ekki upp nú í vor og tapaði því fylgi og þurrkaðist út af þingi.

Læt þetta duga í bili en af nógu væri að taka.


Baldvin Jónsson er að gera góða hluti

Ég varð andvaka í nótt eftir að hafa drukkið kaffi í gærkvöldi, sofnaði reyndar ekki fyrr en klukkan var að ganga sjö. Horfði á endursýndan þátt Hrafnaþings á INN.

Þar var Ingvi Hrafn að taka viðtal við Baldvin Jónsson, markaðsmann. Virkilega áhugaverður þáttur um hvað Baldvin er að gera góða hluti í Bandaríkjunum með markaðssetningu á íslenskum vörum.

Ég mæli með því að fólk hlusti á þáttinn. En þar kemur fram hvað við íslendingar eigum mörg sóknarfæri í kreppunni.

Það er ljós í efnahagsmyrkrinu.


LF group komin heim.

Við fjölskyldan vorum að koma úr LeiruFirði, (LF group) fórum þangað á mánudaginn var þ.e. 20. júlí veður var gott og nú átti að gista í Leirufirði í 10 daga, en Sóley og systur hennar ásamt móðir þeirra eiga þar hjólhýsi sem flutt var í Leirufjörðinn fyrir 11 árum, með bát.

Það er ávallt sæla að koma í Leirufjörð ekkert útvarp, engin blöð engar fréttir af Icesave og öðrum leiðinda fréttum. Ég tók reyndar með mér eina bók en það er bókina Stoðir bresta, eftir Óla Björn Kárason. Ég las reyndar bókina á ,,hundavaði” nennti ekki  að kafa djúpt í bókina, en ágætis bók um ótrúlega hegðun Hannesar Smárasonar og félaga.

Leirufjörðurinn skartaði sýnu fegursta, hlýtt í veðri og fugla líf með óvana miklum blóma. Þrjú æðakollu hreiður voru í hólmanum víð ósa Dynjanda, þetta hef ég aldrei séð áður í Leirufirði. Hvert hreiður hafði að geyma fjögur egg. Maríuerlur flugu í kringum hjólhýsið og settust á netin er ég var að hreinsa þau og það heyrðist í lóu, svo eitthvað sé nefnt.

Nú hugsar einhver eflaust hvað hreinsa net. Það má jú veiða silung í sjó í net ef netið er lagt 300 metra frá árós og það er lagt beint út frá landi. Þetta má stunda frá þriðjudegi til föstudags og að netið er merkt landeiganda.

En því næst á fimmtudag kom rigning og kuldi og áfram hélt þetta veður á föstudeginum með enn meiri kulda.

Það var svo kalt aðfaranótt föstudags að það snjóaði í fjöll í Jökulfjörðum, hitamælirinn í Leirufirði sýndi 2 gráður. Snjór var í toppum Skálafells og Kvíafjalls að morgni föstudags. Þrátt fyrir kulda og vætu voru vinkonur okkar æðakollurnar en á hreiðrum sínum og vinkonur þeirra allt í kring um hólmann.

Að kvöldi föstudags, undir nótt er fjölskyldan sat að spilum sást hreyfing fyrir utan gluggann á hjólhýsinu og er að var gáð sást tófa skjótast um tvo metra frá hjólhýsinu og niður í fjöru. Daginn eftir að morgni laugardags var betra veður en allt hljóðlegra en verið hafði er við komum í upphafi. Er að var gáð í hólmann voru æðakollurnar horfnar og eggin einnig, tvö egg sáust brotin í hreiðrunum. Þarna hafði tófan greinilega farið um.

sumar 2008 og 09 nýja vélin 661

En lífið hefur sinn vana gang, veður var mun betra laugardag. Fjölskyldan bakaði pizzu. Með því að setja kol í holu og múrsteina til hliðanna í holunni og svo var fundinn flatur stór steinn til að setja ofan á. Bakaðar voru í forrétt dýrindis pizza samlokur með pepparóní á steininum, því næst voru kjúklingalæri grillaðar á kolagrillinu og í eftirrétt voru grillaðir sykurpúðar.

Sunnudag fór veður aftur að versna og samkvæmt veðurspá sem við náðum á langbylgju í næsta bústað var spáin ekki góð og reyndum við að fá far heim á sunnudag með nágrönnunum í Hvammi en ekki var laust pláss þar.

sumar 2008 og 09 nýja vélin 682

Á mánudagskvöldið heyrðum við að veðurspá var ekki að batna það sem eftirlifði viku og höfðum samband við Sigga Hjartar, hvort hann yrði á ferðinni eitthvað fyrr heldur en á næsta fimmtudag eins og áætlun okkar hljóðaði í upphafi.Viti menn hann sótti okkur í dag þriðjudag kl. 18:00 og erum við nokkuð sátt að vera komin heim.

Ég er nú búinn að gista í Leirufirði á hverju sumri undan farin tólf sumur og er þetta kaldasta veður sem ég og mín fjölskylda höfum fengið í Leirufirði.

Ekki var farið í sjósund undir jökli eins og ég og börnin höfum gert undan farin ár, en við förum bara aftur að ári liðnu og bætum okkur þetta upp þá.


Til hamingju Ragnheiður og Þorgerður

Það var gaman að fylgjast með atkvæðagreiðslunni á Alþingi um Evrópumálið í dag og umræðunni í fréttunum í kvöld.

Gert var grín af afstöðu þingmanna VG hvernig þeir áttu að hafa verið þvingaðir til að samþykkja umsóknaraðild.

Hvað má þá segja um þingmenn Sjálfstæðisflokksins. Þar þorðu menn ekki að kjósa öðruvísi en að vera á mót aðild, en komu með ýmsar afsakanir í þeim eftir af hverju þeir kysu gegn aðild.

Að undanskyldum Ragnheiði Ríkharðsdóttur og Þorgerði Katrínu Gunnarsdóttur. Það verður forvitnilegt að fylgjast með næstu prófkjörum Sjálfstæðisflokksins hvernig þeim vinkonum muni reiða af, fyrir það að hafa kosið gegn línu flokksins.

Það var skemmtilegt að hlusta á Katrínu Jakobsdóttir svara Birgi Ármannssyni, en hann lýsti hvernig hann hafði fylgst með hvernig þingmenn höfðu verið þvingaðir til að samþykkja aðildarumsókn.

Ég tel að með samþykki um aðildarumsókn í dag hafi verið stigið stórt og gott skref fyrir Íslensku þjóðina, bæði í pólitískum og efnahagslegum forsendum.

Nú ríður á að í samninganefndina veljist hæft og gott fólk, úr öllum flokkum,  svo að umræðan um endanlegan samning verði byggð á rökum en ekki eitthvert hana at að eingöngu fulltrúar úr einum flokki hafi verið í nefndinni.

 


Halló, hvar er ég á kortinu !

Ég hlustaði á fréttir Stöðvar 2 s.l. föstudagskvöld og þar var fréttamaður að fjalla um, hve mikill straumur ferðamanna væri út úr höfuðborginni þessa helgi.

Fréttamaður hafði viðtöl við fólk sem var á leið út úr bænum og þar kom í ljós að ferðinni var heitið víða um land.

Eftir viðtölin við ferðamennina þótti fréttamanni ástæða til að telja upp hvað væri um að vera um helgina um landið.  Fréttamaður taldi upp m.a. Írska daga á Akranesi, Pollamót á Akureyri , Humarhátíð á Höfn o.fl.

Ekkert var minnst á Vestfirði. En núna um helgina voru haldnar þrjár hátíðir á Vestfjörðum. En það voru Dýrafjarðardagar á Þingeyri, Markaðsdagar í Bolungarvík og Hamingjudagar á  Hólmavík.

Þetta er ekki í fyrsta skipti sem Vestfirðir gleymast hjá fjölmiðlum þegar minnst er á uppákomur um landið.

Það er eins og við Vestfirðingar séum ekki á Íslandskortinu.


Blaðamenn ESB og Alþingi

Jæja þá er búið að tilkynna fyrstu tveggja flokka vinstri stjórn. Jóhanna og Steingrímur kynntu ríkisstjórnina í Norrænahúsinu og fóru lauslega yfir hvað væri í stjórnarsáttmálanum.

Þau komu m.a. inn á að bera á undir Alþingi hvort sækja eigi um aðild að ESB. Það er gott mál að láta Alþingi skera úr um það. Ég trúi ekki öðru en ákafir ESB sinnar í stjórnarandstöðuflokkunum muni kjósa með slíkri tillögu. Þá kjósa samkvæmt sinni sannfæringu en ekki flokkslínum.

Það komst reyndar ekkert annað að hjá blaðamönnum en ESB umsóknin. Enginn áhugi var hjá þeim hvað á að gera á næstu hundrað dögum í hinni nýju ríkisstjórn, en Jóhanna tilkynnti að sérstök hundrað daga áætlun væri í málefnasamningi ríkisstjórnarinnar.

Þau Steingrímur og Jóhanna stóðu sig vel á fundinum, en mér finnst að blaðamenn hefðu mátt sleppa þessum ESB spurningum og spyrja frekar út í hvað á að gera til að bjarga heimilum og fólkinu í landinu.


Vonbrigði

Það eru mikil vonbrigði að stýrivexti skyldu ekki vera lækkaðir niður í einsstafstölu. Að vera með 13%stýri vexti í engri verðbólgu er alveg fráleitt. Ekki fylgdi fréttinni hvenær næsti stýrivaxtadagur er, vonandi er ekki langt í hann.


mbl.is Stýrivextir lækka í 13%
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband